Астанада Әзербайжан халық жазушысының кітабы таныстырылды

Елордада «Eurasian Book Fair-2023» кітап көрме-жәрмеңкесінде жаңа кітаптың тұсаукесері өтті. Бұл жолы оқырман қауымға Әзербайжан халық жазушысы Анардың «Бес қабатты үйдің алтыншы қабаты» атты кітабы ұсынылды. Түркі дүниесінің мәдени-әдеби байланысының нығаюына зор үлес қосқан тұлғаның туындысын қазақ журналистикасының майталманы Қайнар Олжай қазақ тіліне тәржімалаған. Классик жазушының еңбегін «Атамұра» баспасы 1500 дана етіп шығарған.