Жыл басынан бері 11 әскери қызметші қайтыс болды

Жыл басынан бері 11 әскери қызметші қайтыс болған. Бұл туралы Бас әскери прокурордың бірінші орынбасары айтты.

Биылғы әскерге шақырылғандар арасында 19 мыңға жуық сарбаздың денсаулығы жарамсыз . Бұл туралы Денсаулық сақтау вице-министрі Вячеслав Дудник мәлімдеді. Оның сөзінше, комиссиядан 131 мыңға тарта ер азамат өткен. Оның 105 мыңы ғана әскери борышын өтеуге жарамды. Ал әскерде көз жұмған сарбаздар соңғы үш жылда 270-ке жеткен.

Мақсат Қазиев, ҚР Бас әскери прокурорының бірінші орынбасары:

Өлім жағдайларының ең көп тараған себептеріне тоқталсақ, ауырып қайтыс болу – 36%, көлік апатының салдары – 24%, суицид – 20%. Ресми мәліметтерге сәйкес, құқықтық статистика комитетінің мәліметінше, 17 631 суицид және 21 332 оқталу жағдайлары тіркелген. Олардың 86 суициді және 26 оқталу әскерде орын алған.

Азамат Нұғыманов