Азаматтық бірегейлік өзекті мәселе

26-27 сәуір күндері өтетін Қазақстан халқы Ассамблеясының сессиясы қарсаңында «Қазіргі әлемдегі азаматтық бірегейлік» тақырыбында «Көзқарас» талқылау алаңы өтті. Алаң спикерлері азаматтық бірегейлік тақырыбы «Әділетті Қазақстанды» құру кезеңінде өзекті дейді. Қатысушылар осы іс-шараның тұрақты негізде өткізілетініне және зерттеушілер мен сарапшыларға этносаралық қатынастар саласында үздіксіз тәжірибе мен білім алмасуға мүмкіндік беретініне сенім білдірді. Талқылау алаңында министр Дархан Қыдырәлі, қызметті жүйелі іске асыруда ғылыми-сараптамалық тәсілдің маңыздылығын атап өтті.

Дархан Қыдырәлі, ҚР Ақпарат және қоғамдық даму министрі:

Этносаралық қатынастар оның ішінде азаматтық ұлттық бірегейлік мәселесі қоғамда көп талқыланатын тақырыптың бірі екені белгілі. Министрлік жүргізген зерттеуге сәйкес респонденттердің 36,8 проценті бірегейлік құндылықтардың ішіндегі ең маңыздысы азаматтық бірегейлік деп атап өткен екен. Ал этникалық 16,6, діни 15,7 ал жалпы адамзаттық бірегейлік 9процент ретінде көрсетілген.