Жаңалықтарды Telegram арнамыздан оқыңыз!21 жасқа толмаған жастарға микронесие беруге тыйым салынбақ. Қаржы нарығын реттеу және дамыту агенттігі осы арқылы оң-солын енді таныған қыз-жігіттерді пайызы көп несиеден қорғауды көздеп отыр. Десе де қаулы күшіне енген жоқ. Әзірге ашық талқылауға шығарылған. Шағын несие беру жасын 18-ден 21-ге көтеруді бұған дейін жастар ұйымдары да ұсынған еді. Өйткені қарыз алып, оны құмар ойынға немесе қаржы пирамидаларына жұмсайтындар көбейгені айтылған. Оның үстіне несие көлемі шамадан тыс артып барады. Десе де микроқаржы ұйымдары бұдан пайда жоқ деп отыр.
Ербол Омарханов, микроқаржылық ұйымдар қауымдастығының директоры:
Несиелеу жасын ұлғайтпай, құмар ойын ойнайтын жерлерді жауып, қаржы пирамидаларын түбегейлі жою керек. Сонда салдарымен күреспей, мәселеден толықтай арыламыз. Ал несие көлемінің артуына келсек, меніңше бұл мәселені халықтың қаржылық сауатын арттыру арқылы кешенді түрде шешу керек.
Досдан Маратұлы
