Астанада баспасөз хатшыларына арналған кітап жарық көрді

Америкалық жазушының баспасөз хатшыларына арналған кітабы қазақ тіліне аударылды. Туындының тұсауы кесері Астанада өтті. Еңбек авторына Ақпарат және қоғамдық даму министрі арнайы құттықтау жіберген. «Цифрлық дәуірдегі баспасөз қызметі» қоғаммен байланыс саласының мамандарына арналған нұсқаулық деуге болады. Онда мемлекеттік органдардың жұмысы туралы дұрыс ақпарат беру, мекеменің ашықтығын қамтамасыз ету жөнінде кеңестер жазылған. Автор Маргерит Хокси Салливан кітапқа өз көзқарасымен қатар шетелдердің үздік тәжірибелерін қамтуға тырысқанын айтты.

Маргерит Хокси Салливан, журналист:

Кітапты жазбас бұрын журналистерге арналған көптеген тренингтер, шеберлік сағаттары, мектептер бар екенін, бірақ баспасөз хатшыларына қалай жұмыс істеу керегін үйрететін ешкімнің жоқ екенін түсіндім. Журналистер де, баспасөз хатшылары да бір мақсатта, яғни, халыққа ақпарат беру үшін жұмыс істейді. Сондықтан, ол ақпараттың сапалы, әрі дер кезінде берілуі үшін қоғаммен байланыс қызметінің жұмысын жақсарту керек. Менің кітабымның мақсаты осы.

Серік Селеубай