Ұлттық арнаның телеөнімдері шорт-листке енді

«Qazaqstan» арнасының телехикаялары бірнеше аталым бойынша «Nauryz» ұлттық телесериалдар бәйгесінің шорт-листіне енді. Оның ішінде «Үздік тарихи сериал номинациясы бойынша «Қаныш. Қазына» және «Міржақып. Оян,Қазақ!» телехикаялары, «Үздік драмалық сериал» бойынша «Ақжауын» телехикаясы, «Үздік комедиялық сериал» аталымы тізімінде «Күйеу бала» телехикаясы бар. Бұдан бөлек, «Үздік актер, актриса», «Үздік саундтрек» тағы басқа аталымдарда да Ұлттық арнаның телеөнімдері енген. Еске сала кетейік, «NAURYZ - 2023» Ұлттық бәйгесінің жеңімпаздары 31 наурызда анықталады. Жеңімпаздарға NAURYZ арнайы мүсіншесімен бірге, 1 миллион теңге сыйақы беріледі.

Асылбек Данияр