Үкіметтік емес ұйымдардың жұмысы жеңілдейді - Дархан Қыдырәлі

Үкіметтік емес ұйымдардың жұмысы жеңілдейді. Бұл туралы ҚР Ақпарат және қоғамдық даму министрі Дархан Қыдырәлі мәлімдеді. Елордада өткен мерекелік іс-шара Дүниежүзілік үкіметтік емес ұйымдар күніне арналған. Жиынға «Қазақстанның азаматтық альянсы» мұрындық болды. Онда Үкіметтік емес ұйымдардың жұмысына тоқталып, үздіктер марапатталды. Министр қиын кезеңдерде көмек қолын созған барша волонтерлерге алғыс айтты. Сонымен қатар азаматтық белсенділердің қызметіне кедергілерді жоятын заң нормаларын енгізу жайы сөз болды.

Дархан Қыдырәлі, ҚР Ақпарат және қоғамдық даму министрі:

«Қоғамдық бірлестіктер туралы» заңға өзгерістер енгізіледі. Ұсынылып отырған түзетулер қоғамдық бірлестіктерді тіркеудегі кедергілерді азайтады. «Қоғамдық бақылау туралы» Заң да бірінші оқылымда оқылған. Оны тағы да ілгерілетеміз. Сонымен қатар «Онлайн петиция туралы» заң «Халық үніне құлақ асатын мемлекет» тұжырымдамасын одан әрі дамытуға үлкен үлес қосады деп ойлаймын.

Серік Селеубай