Түркияда зілзаладан кейін тірі қалғандар табылып жатыр

Осы кадрлерде 10 күн бұрын дүниеге келген нәресте мен оның анасын құтқару сәті көрсетілген. Олар зілзаладан кейін 90 сағат өткенде табылды.

Ал Диярбәкірде 103 сағат бойы үйінді астында жатқан ана мен оның ұлы аман-есен шығарылды. Кахраманмарашта бүгін 4 жасар қыз тірі табылды. Ал соңғы мәліметтерге сай, Түркия мен Сирияда қаза тапқандар саны 21 мыңнан асқан. Түркияның өзінде марқұмдардың саны 18 мың 342-ге жетіп, жараланғандардың саны - 74 мыңнан асты. Ал зілзаладан зардап шеккен Искендерун портында тасқын жүрген. Мемлекеттік бұқаралық ақпарат құралдарының хабарлауынша, мұнда су деңгейі 200 метрге көтерілген.

 Арай Төлегенқызы