Түркістанда диқандар қырыққабат егуді бастады

Түркістан облысының Жетісай ауданындағы шаруалар қырыққабат егуді бастап кетті. Олар орамжапырақтың ерте пісетін сортының көшетін отырғызып жатыр. Сондай диқандардың бірі - Есболат Өмірхан. Ол биыл қырыққабатқа 3 гектар жер дайындаған. Ал, наурыз айында ортадағы арыққа қауын егеді. Сонда бір жерден екі өнім алынады. Қазір алқап басында 30 адам тынымсыз жұмыс істеп жатыр. Шаруа былтыр жинаған өнімін көрші Ресейге экспорттаған. Жалпы, Жетісай ауданындағы шаруалар биыл 1 мың гектарға орамжапырақ егуді жоспарлап отыр.

Есболат Өмірхан, диқан:

Қырыққабат өнімі 5-6, 7-8 градусты да көрген ғой алдын. Қар жауған, талай суық болған. Енді құдай сақтасын,ештеңе қылмайды деп, тәуекел етіп егіп жатырмыз. Қазір мына жерде 28 мың түп бар. 28 мың түптен құдай қаласа 1,5 келіден урожай аламыз ба деп отырмыз.

Айнұр Ақбаева