Қостанай облысындағы 37 елдімекенді су басу қаупі бар

Биыл көктемгі тасқын кезінде Қостанай облысының оңтүстігіндегі 37 елді-мекенге қауіп төнуі мүмкін. Төтенше жағдай қызметі осылай болжам жасап отыр. Бұған қар мол түсіп, жердің тоңы қалың қатуы себеп. Бұл ауылдарда барлығы 800 үй, 3 мыңнан аса тұрғын бар. «Әйтсе де бәрі көктемгі ауа райын байланысты»,-дейді мамандар. Егер қар баяу ерісе, тасқынның да екпіні қатты болмайды. Төтенше жағдайлар департаментінің қызметкерлері «қандай жағдайға да, сақадай саймыз»,-деп отыр.

Азамат Орымбаев, облыстық Төтенше жағдайлар департаменті басшысының орынбасары:

Өзіміздің дайындығымызды, әзірлігімізді тексердік. Қоймадағы техникаларды да тексеруден өткіздік. Бәрі дайын. Тағы облыс әкімінің тапсырмасымен сол жақтарға ауыр техникаларды алдын ала жіберу туралы жоспарымыз бар.

Дәуренбек Әбдібек