Қызылорда облысының Сырдария ауданында мектептің төбесі опырылып бір адам қаза тапты

Қызылорда облысының Сырдария ауданында мектептің төбесі опырылып бір адам қаза тапты. Оқыс оқиға Әбділда Тәжібаев атындағы №36 мектеп-лицейінде болған.

Білім мекемесінің электр жүйесіне жауапты маман, түн ортасында танысымен бірге шатырға кептер аулауға шығыпты. Алайда ғимараттың төбесі опырылып кетіп, ол оқиға орнында көз жұмды. Қайғылы жағдай бойынша полиция қылмыстық іс қозғап, оқиғаның мән-жайын анықтап жатыр. Тереңөзек кентіндегі мектеп-лицейі ескі емес, пайдалануға берілгеніне 10 жылға жуықтаған.

Әділбек Серікұлы