Жаңалықтарды Telegram арнамыздан оқыңыз!Үш адамның қазасына себеп болған осы өртке қатысты қылмыстық іс қозғалды. Қылмыстық кодекстің 204-бабы 2-тармағына сәйкес, яғни «отпен немесе қауіптілігі жоғары өзге де көздермен жұмыс істеу арқылы жасалған ауыр зардаптарға әкелген бөтеннің мүлкін жою немесе бүлдіру» бойынша қылмыстық іс тіркелді.
Еске салайық, қаңтардың 10-ы күні сағат кешкі 21:30 шамасында Қарағанды қаласында Республика даңғылындағы 16 қабатты үйде өрт шығып, соның салдарынан үш адам қайтыс болды.
Бақытжан Құдияров, облыстық ПД баспасөз хатшысы:
Аталған баптың санкциясында 2 мың айлық есептік көрсеткіш мөлшерінде айыппұл немесе сол мөлшерде түзеу жұмыстары немесе 2 жылға дейін бас бостандығынан айыру жазасы көзделген. Қазіргі уақытта тиісті сараптамалар тағайындалды. Тергеу амалдары жүріп жатыр.
Руслан Нұрланұлы
