Көкшетауда Кенесары ханның 220 жылдығына орай республикалық ғылыми-тәжірибелік конференция өтті

Кенесары ханның өмірі мен қайраткерлігі зерттеуді қажет етеді. Көкшетауда қазақтың соңғы ханының 220 жылдығына орай «Хан ордасы Көкшетау: Кенесары ұлттық қаһарман» атты республикалық ғылыми-тәжірибелік конференция өтті. Жиында ғалымдар Кенесары ханның қолбасшылық қасиеті, саяси тәжірибесі жайлы ой-пікірлерін бөлісті. Конференция қорытындысы бойынша бірнеше ұсыныстар әзірленді.

Аманай Сейітқасымов, тарих ғылымдарының кандидаты:

Соңғы жылдары ғана Кенесарының біраз деректері табылды. Әсіресе бізге, тарихшыларға құнды ол Кенесарының хаттары. Сол хаттарға Кенесарының мөрі қойылған. Негізінен хаттар шағатай тілінде татар емлесімен жазылған. Әлде осы Мәскеу, Ресейдің беті ашылмаған, рұқсат етілмеген архивтерінде, шаң басып жатқан архивтерінде Кенесары туралы деректер болуы ғажап емес.

Ермек Елберген