«Құрылтай феномені» атты кітап таныстырылды

Алматыда «Құрылтай феномені» атты кітап таныстырылды. Туындыда саяси реформалар аясында Құрылтай институтының тарихи және саяси маңызы кеңінен талқыланды. Еңбекте қазақ тіліне алғаш рет аударылған ортағасырлық онға жуық қолжазба негізінде, Құрылтай дәстүрінің Ұлы Даладағы мемлекеттілікпен сабақтастығы ғылыми тұрғыдан сараланған. Кітап авторы, қоғам қайраткері Омархан Өксікбаев пен шығыстанушы ғалым Зәріпбай Оразбай тарихи деректер арқылы Құрылтайдың ұлттық сана мен тарихи жадыны жаңғыртудағы рөлін көрсеткен.

Омархан Өксікбаев, Кітап авторларының бірі, қоғам қайраткері:

Болашақ ұрпаққа Құрылтайды осы кітап арқылы суреттей отырып, қандай форматта іске асу керек, Парламент болған Құрылтайымыз қалай іске асу керек, соған өзіміздің үлесімізді қостық деп білемін.