Қоғамның құқықтық сауаттылығын арттыру маңызды - мамандар

Елімізде заң үстемдігін қалыптастыру мен құқық қорқау институттарын жетілдіруге басымдық беріліп отыр. Бұл туралы Президент жанындағы адам құқықтары жөніндегі комиссия отырысында айтылды. Іс-шара ертеңгі халықаралық Адам құқығы күніне орай өтті.

Құқықтық мемлекеттің қалыптасуы адам бостандығын сақтаумен тікелей байланысты. Жиналғандар адам құқықтарын халықаралық стандарттарға сәйкес қорғаудың ұлттық тетіктерін жетілдіру, салада қолға алынып жатқан реформалар төңірегінде пікір алмасты.

Тастемір Әбішев, ҚР Президенті жанындағы адам құқықтары жөніндегі комиссия хатшысы:

Менің құқықтарым болғанмен, мен міндеттерімді де ұмытпауым керек, мемлекеттің және қоғамның алдындағы. Тек мемлекеттің қызметі емес, елімізде қызмет атқарып жатқан басқа да ұйымдар, үкіметтік емес ұйымдар болсын, партиялық ұйымдар болсын, барлық қызметі Қазақстандағы азамат құқықтарының сақталуына өз ұлестерін қосу керек.

Дарын Сағитов