«Дарын» жастар сыйлығы: 20-ға жуық талантты жас марапатталды

Астанада «Дарын» мемлекеттік жастар сыйлығы жиырмаға жуық талантты жасқа табысталды. «Жаңа белестегі жастар» форумы аясында түрлі салада еліміздің дамуына үлес қосып жүрген жастар он номинация бойынша мараптталды. Оларға арнайы төсбелгі мен 600 мың теңге көлемінде ақшалай сыйақы берілді. Конкурстік комиссияның құрамына Парламент депутаттары, белгілі мәдениет және өнер қайраткерлері, ғалымдар, жазушылар, журналистер және қоғам қайраткерлері енген. Жеңімпаздардың арасында арнамыздың тілшісі - Шерхан Жамбыл ұлы да бар.

Дархан Қыдырәлі, ҚР Ақпарат және қоғамдық даму министрі:

«Дарын» сыйлығы біздің жетістіктерімізді мойындау ғана емес, қазақстанның биік белестерді бағындыру жолында жастарды ынталандыру, жыл сайын конкурсқа келіп түскен өтініштердің қатакры артып отыр. Бұл жастардың осы сыйлыққа деген қызығушылығының артып келе жатқанын көрсетеді.

Сәбит Әлдебай