Атырауда 8 жасар бала екі жеткіншекті құтқарып қалды

Атырауда 8 жасар бала Жайыққа батып бара жатқан жасөспірімдерді құтқаруға көмектесті. Оқиға демалыс күндері қаладағы Балықшы және Жұмыскер елді мекендерін жалғайтын көпірдің маңында болды. Қос жеткіншек өзендегі қатқан мұз үстіне шыққан.

Сол кезде жұқа мұз ойылып, екеуі де суға түсіп кеткен. Мұны байқаған 8 жасар Дінмұхаммед Жаңбырбай дереу көмекке келіп, екі жасөспірімнің бірін қолынан тартып құтқарып қалады.

Судан шыққан жасөспірімнің бірі екіншісіне жәрдемдеседі. Кейін ажалдан аман қалған екі баланың 14 және 9 жаста екені анықталған.

Жандос Темірғали