Петропавлдағы мектептердің біріне Сафуан Шаймерденовтің есімі берілді

Петропавлдағы қалалық классикалық гимназияға Халық жазушысы Сафуан Шаймерденовтің есімі берілді.

Білім ордасына мемориалдық тақта орнатылып, жиналған қауым гүл шоқтарын қойды.

Сафуан Шаймерденов -  1996 жылы қалада тұңғыш қазақ мектебін салу үшін үкіметтен ақша бөлдіруге түрткі болғандардың бірі. 

Қаламгердің араласуымен қаланың қақ ортасында сәулеті мен дәулеті келіскен әсем ғимарат бой көтерді.

«Қазақ әдебиетінде Сафуан Шаймерденов есімі ешқашан ұмытылмайды», дейді филология ғылымдарының докторы  Серік Негимов.

Сағындық СӘБИТҰЛЫ