Жаңалықтарды Telegram арнамыздан оқыңыз!
Қазақстан сырттан 345 млн 700 мың еуро қарыз алады. Мұндай үлкен соманы Халықаралық қайта құру және даму банкі береді. Пайыздық мөлшерлемесі 2,5 проценттен аспайды. 11 жылда өтеу керек.
Қарыз алудағы мақсат – бюджет тапшылығын жабу. Қазір қазынаға 3 трлн теңгедей қажет. Оны ұлттық қордан өтеу ұтымсыз деп отыр Қаржы министрлігі. Қазір елдің жалпы ішкі өнімі 100 трлн теңге. Ал сыртқы қарыз осыған шаққанда 24 пайызға тең. Бұл АҚШ пен Еуропаның берешегіне қарағанда анағұрлым аз. Оларда 100 пайыздан асады. Сондықтан сенат бүгін заң жобасын мақұлдады.
Бекболат Орынбеков, ҚР Парламенті Сенатының депутаты:
Бұның ішінде басым бөлігі 2 айдың ішінде 700 миллиондай қаржы әлеуметтік салаға, 457 млрд денсаулық, білім саласына, 340 миллиардтай қауіпсіздікке байланысты болып отыр.
Әсима Нұрбай
