Президент жанынан Ғылым мен технология мәселелері жөнінде Ұлттық кеңес құрылатын болды

Президент жанынан Ғылым мен технология мәселелері жөнінде Ұлттық кеңес құрылатын болды. Оған еңбектері жұртшылыққа кең танымал, ғылыми ортада өте беделді ғалымдар мүше болады. Бұл туралы мемлекет басшысы айтты. Жұмыстарды Президент әкімшілігі мен Ғылым және жоғарғы білім министрлігі ұйымдастырады. 

«Біз ғылым мен өндірісті ұштастыру туралы жиі айтамыз. Бірақ ондай байланыс әлі де орныққан жоқ. Ащы болса да, мұны мойындауымыз керек. Отандық өндірісті өркендету үшін ғылыми инновациялар, жаңалықтар қажет. Ғалымдарымыздың еңбегі сапалы өнім шығаруға немесе өндірісті тиімді етуге тиіс. Сонда ғана экономикамыз дамиды.» - деді Қасым-Жомарт Тоқаев.