Ірі кәсіпорындар жас мамандарды жұмысқа шақырды

Еліміз бойынша 700-ден астам колледж алғаш рет жұмыс берушілер күнін атап өтті. Жас мамандарды жұмысқа шақыруға 4 мыңнан астам ірі компаниялар мен кәсіпорындар қатысты. Бұған дейін техникалық және кәсіптік білім беру ұйымдары кәсіпорындармен 600-ден астам меморандумға қол қойған болатын.

Ал жұмыс берушілер студенттерге экскурсиялар өткізіп, бос жұмыс орындары жәрмеңкелерін ұйымдастырды. Сондай-ақ еліміздің түкпір-түкпірінде 700-ге жуық тақырыптық кездесулер мен шеберлік сабақтары өтті. Жұмыс берушілер күніне орай өткен шарада 2,4 мыңнан астам жұмыс беруші Оқу-ағарту министрлігінің алғыс хаттарымен марапатталды.

Асхат Аймағамбетов, ҚР Оқу-ағарту министрі:

Егер біздің студентіміз бірінші курстан бастап жұмыс берушімен тығыз жұмыс істесе, соның базасында тәжірибеден өтсе. Дуалды оқытумен өзінің қажет құзыреттігін алса, онда жұмыс берушінің өзі оны жұмысқа алғысы келіп тұрады. Өйткені ол біледі, сенеді, сол түлек нағыз өзіне қажетті дағдыларды бойына сіңіріп дайын екендігін.

Сәбит Әлдебай