Биыл 9,7 тонна есірткі тәркіленді

«Қарасора-2022» жедел-алдын алу іс шарасы кезінде 9,7 тонна есірткі тәркіленді. Оның ішінде 2 тоннадан астам марихуана, 7 тонна канабис пен 113 келі синтетикалық есірткі бар.

Жаз бен күзде өтетін операциялар кезінде, әсіресе оңтүстік өңірлерде есірткі қылмысына қатысты деректер көп анықталады. Биыл зиянды заттарды сатуға қатысты қылмыстардың саны былтырғы жылмен салыстырғанда 47 пайызға көбейген.

Полицейлер сора өсетін жерлерді әшкерелеу шаруа қожалықтары мен аңшылармен бірлескен операциялардың нәтижесінде жүзеге асатынын айтты. Сондай-ақ заңсыз егістер дрондар мен тікұшақтың көмегімен де табылады.

Бақытжан Әмірханов, ҚР ІІМ есірткі қылмысына қарсы іс-қимыл департаментінің бастығы:

Біз айтып жатырмыз, әшкереленбеген қылмыстарды ашып жатырмыз. Төрт қылмыстық топтың белсенділігі тоқтатылды. Ол жерде белсенді мүшелер құрықталды. 13 ауыр есірткі қылмыс түрлері бойынша қылмыстық іс қозғалды.

Ламбриан Топузидис