Жаңалықтарды Telegram арнамыздан оқыңыз!Әлем чемпионаты өтетін Доһада «Футбол әлемі» атты көрме ашылды. Алты айға жалғасатын көрмеде футбол және әлем чемпионаты турнирлерінің тарихы көрініс тапқан.
Мысалы, келушілер Диего Марадона, Пеле сынды аты аңызға айналған футболшылар киген жейделерді, 1930 жылы Уругвайда өткен бірінші әлем чемпионаты кезінде ойналған доп тәрізді бірегей экспонаттарға куә болады. Доһадағы Олимпиада және спорт мұражайында ашылған көрме келер жылғы сәуірге дейін өтеді.
Ал бір ай болатын доп додасының өзін Ұлттық арна мен «Qazsport» арналары тікелей эфирден көрсетеді.
Арай Төлеген
