Президенттікке кандидат Салтанат Тұрсынбекова Көкшетаудағы дағдарыс орталығына барды

Көкшетау қаласына сапары барысында Президенттікке кандидат Салтанат Тұрсынбекова осы қаладағы дағдарыс орталығына барды.

Мұнда кандидат отбасылық зорлық-зомбылықтан зардап шеккен әйелдермен кездесіп, етене жақын әңгімелесті. Толғандырған сұрақтарына жауап беріп, сайлауалды бағдарламасын түсіндірді. Жыл басынан бері бұл дағдарыс орталығында 29 әйел мен 119 бала тұрып келеді.

Салтанат Тұрсынбекова, Президенттікке кандидат:

Дағдарыс орталығына келіп тұрып, екі ойлы болып тұрасың. Бір жағынан әрбір әйелдің тағдырын естіп, көрген кезде көзіңе жас келеді. Екіншіден, осы мәселенің түбегейлі неше жылдан бері шешілмей келе жатқаны ой салады. Неге біз соншалықты немқұрайлы қарайтын болдық?!