Автономды қазандықтар жылыту маусымына 98% дайын

Еліміздегі автономды қазандықтар жылыту маусымына 98 процент дайын. Бұл туралы үкімет отырысында белгілі болды. 6 өңір қыс мезгіліне тас түйін әзір. Ал Алматы мен Шымкент қалаларында жұмыстар кестеден кешігіп жатыр. Қажетті көмірдің 69%, мазуттың 88%, дизель отынының 93% қоры жиналған. Сонымен қатар сумен жабдықтау және су бұру желілерін жөндеу жұмыстары жүргізіліп жатыр. Жоспарланған 1 мың 808 шақырым желінің 1 мың 303 шақырымы жөнделді. Яғни жұмыстар 72%-ке орындалған.