Елде автосақтандыру жүйесі өзгереді

Елде міндетті автосақтандыру жүйесі өзгереді. Бұл - 2030 жылға дейінгі сақтандыру нарығын дамыту бағдарламасының жобасында ұсынылған негізгі өзгерістердің бірі. Сақтандыру компаниялары жүргізушінің жол апатына түсу тарихын, ереже бұзуын, көлік жүргізу өтілі мен жасын, сондай-ақ көліктің сипаттамаларын ескеретін скоринг жүйесін қолдана алады. Алғашқы кезеңде скорингтің полис бағасына әсері қолданыстағы тарифтен 20 пайызға ауытқуы мүмкін. Бұған қоса, сақтандыру төлемдерін есептеуді біріздендіретін бірыңғай анықтамалық енгізу жоспарланған. Бағдарлама әзірге жоба түрінде ұсынылған.