Электросамокатпен жаяужолмен жүруге тыйым салды

Бүгіннен бастап электросамокаттардың тротуармен және жаяу жүргіншілер жолымен жүруіне тыйым салынды. Ал жолға шығуға тек 18 жасқа толған және жүргізуші куәлігі бар азаматтарға ғана рұқсат. Қауіпсіздік үшін міндетті түрде қорғаныш дулығасы болуы керек. Велосипед жолы болмаған жағдайда жолдың оң жақ жиегімен қозғалуы тиіс.  Сондықтан Бас прокуратура автокөлік жүргізушілерін де жолда ережеге бағынып, барынша мұқият болуды ескертеді.

Саян Әбденов, Бас прокуратура өкілі:

Жолаушыларды тасымалдауға, рөлді ұстамай телефон пайдалануға, сондай-ақ  тәуліктің қараңғы уақытында жарық шағылыстыратын элементтерсіз жүруге  тыйым салынады. Мұндай көлік құралдарын пайдаланушылардың өздері де жол-көлік оқиғаларынан зардап шегуде. Электрсамокат жүргізушілерін көлік қағып  кетудің 145, самокат жүргізушілерінің кінәсінен 47 жол-көлік оқиғасы орыналған.