Н. Әуесбаевтың жақтастары партияның сайлауалды бағдарламасын таныстырды

«Жалпыұлттық социал-демократиялық партиясы» республикалық қоғамдық бірлестігінен президентікке кандидат Нұрлан Әуесбаевтың жақтастары бүгін Астана қаласында үгіт-насихат парақтарын таратты.

Олар қаладағы базарға барып, тұрғындарға партия туралы ақпарат берді. Кандидаттың сайлауалды бағдарламасын таныстырды. Саяси науқан аясындағы мұндай жұмыс елдің барлық өңірінде жүргізіліп жатыр, дейді Әуесбаевтың сенімді өкілі. Күні бүгінге дейін ел бойынша 20 мыңнан аса үгіт материалы сайлаушыларға үлестірілген. Жалпы, кандидаттың сайлауалды бағдарламасы аясында 50-ден аса іс-шара өткізу жоспарланған.

Мақсұт Насибулов, Н.Әуесбаевтың сенімді өкілі:

Бүгінгі күні мыңнан астам агит парақтары таратылды. Жақтас топтары жұмыс істеп жатыр. Барлық республика бойынша осындай акциялар өтіп жатыр. Және де біздің кандидатымызды танып жатыр. Кеше марафон жүгірді 10 шақырымдық триатлон паркте. Осындай іс-шаралар әрі қарай жалғаса береді.