Жаңалықтарды Telegram арнамыздан оқыңыз!Бас Прокурордың 2 қыркүйектегі арнайы нұсқауынан кейін бизнесті тексеру жеті есеге қысқарған. Бұрын кәсіпкерлерге қатысты ай сайын 150-ге жуық қылмыстық іс тіркелген болса, қазір олардың саны төрт есеге азайды. Бұл туралы Берік Асылов кәсіпкерлермен кездесуде айтты.
Берік Асылов, ҚР Бас прокуроры:
Бұл ең алдымен, бизнесті заңсыз тексерулерден және әкімшілік кедергілерді қысқартудан қорғауға, кәсіпкерлерді қылмыстық шеңберге негізсіз тарту фактілерінің жолын кесуге, сондай-ақ осы салаларды цифрландыру мен автоматтандыруға қатысты. Тексерулер субъектілері мен объектілерінің бірыңғай тізілімі автоматтандырылған жүйе арқылы жыл сайын мыңдаған заңсыз тексерулердің жолын кеседі. Соңғы бір жарым жылда 35 мың кәсіпкерге қатысты 1,5 млрд теңгеге әкімшілік айыппұлдар алып тасталды.
