Алматыда жалақысына көңілі толмаған «Қазпошта» бөлімшелері қызметкерлерінің жағдайына байланысты мекеме басшысы брифинг өткізді. Оның айтуынша, келер жылдан бастап өндірістік персоналдың жалақысын арттыру көзделіп отыр. Сондай-ақ Дүниежүзілік пошта күніне орай сыйақы берілетінін жеткізді. Қазіргі таңда ең төменгі жалақы 90 мың теңге көлемінде. Көп пошта бөлімшесін жөндеу керек. Алайда оған қаражат жеткіліксіз, дейді жауаптылар.
Серік Саудабаев, «Қазпошта» АҚ басқарма төрағасы:
Біз бәсекелестік нарығында еңбек етудеміз. Лайықты еңбекақы беруге де қабілеттіміз. Алайда «Қазпошта» – әлеуметтік жоба. Біз мемлекет тарапынан қала мен ауыл тұрғындары үшін әлеуметтік міндеттемелерді іске асырудамыз. Көп жағдайда екінші деңгейлі банктер мен курьерлік қызметтер ауылдарда жоқ.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Қазпошта» қызметкерлерінің жалақысы көтеріледі&mh_tags=Qazaqstan&mh_page=https://qazaqstan.tv/news/164002/)