Қар барысы VI Дүниежүзілік көшпенділер ойындарының тұмарына айналды

Қар барысы - VI Дүниежүзілік көшпенділер ойындарының тұмарына айналды. Биыл ауқымды шара Қырғызстанда өтеді. Қырғыз елінің қар барысын таңдауы бекер емес. Бұл елдің табиғаты және мәдениетімен тығыз байланысты. Олар қар барысы - көшпенділер ойындарының рухы мен күшін, әлемге ашықтықты және дәстүрге беріктігін танытады деп есептейді. Негізгі сайыстар Ыстықкөлде жоспарланған. Биыл ойынға 100-ден астам елден 3000-нан астам спортшы қатысады.