Жаңалықтарды Telegram арнамыздан оқыңыз!«AMANAT» партиясының қолдауымен «Ұлы дала жорығы» атты тұңғыш республикалық марафон-бәйге басталды. 100-ден астам шабандоз Қазақстанның киелі жерлерін аралап, елордадан Түркістанға дейінгі 1200 шақырым қашықтықты басып өтеді. Марафон 100 шақырымдық 12 сатыға бөлінген. Межелі жерге ең қысқа уақыт ішінде жеткен команда мүшелері бас жүлде – «Ұлы дала сарбазы» атағы мен 30 000 000 теңге көлеміндегі жүлдемен марапатталады. Марафонының ашылу салтанатында AMANAT» партиясының Төрағасы Ерлан Қошанов ел Президенті Қасым-Жомарт Тоқаевтың құттықтау сөзін оқып берді.
Ерлан Қошанов, «AMANAT» партиясының төрағасы:
Біздің бабаларымыз Ұлы дала шежіресін тұлпардың тұяғымен жазған. Бүгінгі ұрпақ – сол көшпенділер мәдениетінің заңды мұрагері. Біз қазіргі заманның жақсы қасиеттерін бойға сіңіре отырып, ұлттық болмысымызды жаңғыртуға тиіспіз. Бүгінгі бәйгенің басты мақсаты осы. Қазақстан Республикасының президенті – Қасым-Жомарт Кемелұлы Тоқаев.
