Жаңалықтарды Telegram арнамыздан оқыңыз!Былтыр Қазақстан мен Әзербайжан арасындағы тауар айналымы 332 млн АҚШ долларын құрады. Елімізде көрші елдің капиталы бар 500-ден астам компания тіркелген. Ал Әзербайжанда 145-ке жуық Қазақстан компаниясы жұмыс істейді. Бұл туралы екі ел арасында құрылған сарапшылар кеңесінің алғашқы отырысында айтылды. Қос ел мұнай-газ, өнеркәсіптік кооперация, көлік және логистика, жасыл энергетика, ауылшаруашылық саласында серіктес. Құрылған кеңес екіжақты қарым-қатынастың дамуына, бірлескен жобалардың іске асуына, сондай-ақ халықаралық күн тәртібіндегі өзекті мәселелерді шешуге ықпал ететін алаңға айналады дейді сарапшылар.
Еркін Тұқымов, Стратегиялық зерттеулер институтының директоры:
Әзербайжан – Қазақстан үшін өте маңызды одақтас, стратегиялық серіктес. Біз Әзербайжан арқылы Еуроодақ пен Таяу Шығысқа шыға аламыз. Осындай күрделі жағдайда сарапшылардың пікір алмасуы өте маңызды деп санаймын.
