Алматы облысында жас жігіттің өліміне қатысы бар деген күдіктілерге іздеу жарияланды

Алматы облысы Ұзынағаш ауылында жас жігіттің өліміне қатысы бар деген күдіктілерге іздеу жарияланды. Адам өлтіру, адам өлтіруге оқталу, сондай ақ атыс қаруын пайдаланып, бұзақылық жасау дерегі бойынша 4 адам күдікке ілінген. Алматы облысы полиция департаменті оларға қатысты қандай да бір мәлімет болса, 102 нөміріне хабарласуды сұрайды. Еске салайық бірнеше күн бұрын Ұзынағашта жастар арасында атыс болып, бір адам көз жұмған. Жарақат алған өзге екі тұрғын әлі ауруханада жатыр. Олардың жағдайы орташа ауыр,- дейді дәрігерлер. 

Фариза Мұсақызы