Дипломатиялық келіссөз: Наиф Хаджрафпен еліміздің Сыртқы істер министрі Мұхтар Тілеуберді кездесті

Парсы шығанағындағы араб мемлекеттерінің ынтымақтастық кеңесінің бас хатшысы Наиф Хаджрафпен Еліміздің сыртқы істер министрі Мұхтар Тілеуберді кездесті.

Тараптар Орталық Азияның аталған кеңеспен өңіраралық ынтымақтастығын дамыту мен Қазақстанның араб елдерімен өзара байланысын талқылады. Министрдің сөзінше - Парсы шығанағындағы араб мемлекеттерінің ынтымақтастық кеңесі бүгінде қарқынды дамып келе жатқан халықаралық ұйым. Наиф Хаджраф парсы шығанағындағы мемлекеттер Орталық Азия өңірімен ынтымақтастықтың көпжақты форматын орнатуға мүдделі екенін жеткізді.