Биыл колледждерге 128 мың грант бөлінді

Биыл колледждерге 128 мың грант бөлінді. Былтырмен салыстырғанда 45 мыңға көп. Бұл туралы Оқу-ағарту министрілгі хабарлады. Оқу орындарына құжат қабылдау 20-тамызға дейін жалғасады. Білім беру гранттарының басым бөлігі IT, құрылыс, инженерия, металлургия секілді техникалық мамандықтарға бөлініп отыр. Талапкерлерге ыңғайлы болу үшін құжаттар «Egov.kz» электронды үкімет порталы арқылы қабылданады. Сондай-ақ қабылдау, колледждерде дәстүрлі қағаз форматында да жүзеге асады. Бұдан былай талапкерлер бірден 4 мамандықты таңдап, еліміздің 4 колледжіне құжат тапсыра алады.

Алтай Рахимберлин, ҚР Оқу-ағарту министрлігі техникалық және кәсіптік білім департаментінің басқарма басшысы:

Былтырғы жылы квоталық категориялар 6 болса, биыл 3 категория қосылып отыр. Ол көп балалы отбасыларға және 1, 2 топтағы мүгедек балаларға 1 пайыз және 5 пайыз квота қарастырылған. Сонымен қатар, Мемлекет басшысының тапсырмасына сәйкес кәсіпорындарыдң тапсырысына сәйкес мақсатта даярлау жүйесі іске асырылатын боалды.

Дарын Сағитов