Алматы облысында қауіпті көпірден өзенге кұлаған әйелдің мәйіті табылды

Алматы облысының Талғар өзенінде көпірден құлап, ажал құшқан 40 жастағы әйелдің мәйіті табылды.

Облыстық Төтенше жағдайлар департаментінің хабарлауынша, келіншек ағаш көпірден өту кезінде тепе-теңдігін жоғалтқан. Артынша өзенге құлап, оны ағын алып кеткен. Бірнеше күн бұрын сегіз адамнан тұрған альпинистер тобы бекетті айналып өтіп, «Маралсай» демалыс базасының жанындағы тауға шыққан. Келіншектің көпірден құлап кеткенін құтқарушыларға солар хабарлаған.

Полицейлер, құтқарушылар және қорықтың қызметкерлері оны іздеуге шыққан. Жер экскаватормен тазартылған соң құлаған аумақтан 10 шақырым жерде жоғалып кеткен әйелдің денесі табылып, судан шығарылды. Тұрғындардың сөзінше, қайғылы жағдайға қауіпті көпір себеп болуы мүмкін.