Басты Жаңалықтар Ұлттық құрылтай – халық пен билік арасындағы ашық диалог алаңы

Ұлттық құрылтай – халық пен билік арасындағы ашық диалог алаңы

18.06.2022 20:00

Ұлытау төрінде өткен алғашқы құрылтай – халық пен билік арасындағы ашық диалог алаңы.

Жиынға Жетісу облысы атынан барған Амангелді Төлемісовтың пікірі осы. Киелі жердегі басқосудың мән мағынасы өте зор екенін айтқан ол құрылтай халықтың үнін билікке жеткізіп, өзекті мәселелерді шешуге жасалған нақты қадам дейді. Жаңа форматтағы жиын әр аймақта және әр салада қордаланған мәселелерді айқындап, елдің еңсесін тіктеуге, болашағын айқындауға өз септігін тигізеді, дейді қоғам белсенділері.

Амангелді Төлемісов, Жансүгіров атындағы ЖМУ гуманитарлық факультеттер деканы:

Халықтың мұң-мұқтажын, халықтың жалпы мемлекеттің дамуына, жалпы халықтың ортасында да көп мықты-мықты ойлар бар. Сол барлық ойлар осы жерде жинақталып, сарапшы топ бола ма? Соның барлығын қарастырып, мемлекетіміздің дамуына, алып-қосар көп нәрсені осы жерде жинастыруға болады деген ойдамын.

Зулфухар Гаипов, Нұр-Сұлтан қаласы қоғамдық кеңес төрағасы, Ұлттық құрылтай мүшесі:

Бұл өте орынды тарихи шешім деп айтуға болады. Өйткені, 25 қазанда біздің тұңғыш рет егемендік туралы декларацияны қабылдадық. Бұл өте заңды құбылыс. Жаңа Қазақстан, Әділетті Қазақстан Ұлытаудың төрінде үлкен тарихи шешім қабылданды және 25 қазан Республика күні болып тағайындалды. Бұл халықтың бұрыннан бері күтіп жүрген ойы еді.

Бөлісу