Северодонецк қаласында шайқас жалғасып жатыр - «Qazaqstan» Ұлттық телеарнасы

Северодонецк қаласында шайқас жалғасып жатыр

09.06.2022

Украинаның Северодонецк қаласында жергілікті армия мен ресейлік жауынгерлер арасында шайқас жалғасып жатыр. Бүгін украиналықтар алға ілгерілегенін және қарымта шабуылға кірісіп, қарсы жақты кейбір кварталдардан шегіндіргенін хабарлады. Ресей армиясы Североднецк және Лисичанск қалаларын басып алып, Луганск облысын жаулауды көздеп отыр. Сонымен қатар, Мәскеу оңтүстіктегі Херсон және Запарожье облыстарына да өз тәртібін енгізуге күш салып жатыр. Алайда, Украина қарулы күштері Херсонда кейбір территорияларды қайтара бастағанын жариялады. Киев қазір Батыстан артиллериялық қару да алып жатыр. Алыс қашықтыққа арналған зымыран жүйесі жеткізілсе, Украина алдағы айларда Ресей күштерін ел аумағынан ығыстырудан үмітті.

Арыстан Рысбек

Хабарламаларға жазылу