Жаңалықтарды Telegram арнамыздан оқыңыз!Алматыда конституциялық реформалар жөніндегі Ақпараттық-түсіндіру тобы Қазақ ұлттық аграрлық зерттеу университетінде студенттермен және оқытушылармен кездесу өткізді.
Жиынға Сенат депутаты, Аграрлық мәселелер, табиғат пайдалану және ауылдық аумақтарды дамыту комитетінің хатшысы Ақылбек Күрішбаев қатысты.
Отырыс барысында сенатор Конституцияға енгізілетін өзгерістер елдегі саяси реформалар аясында жүзеге асатыны айтылды. Сондай-ақ, референдум Жаңа Қазақстанды құрудың негізі әрі жарқын болашақтың кепілі екеніне тоқталды. Сондықтан жастардың мұны түсініп, жалпыхалықтық саяси науқанға қатысуы өте маңызды.
Ақылбек Күрішбаев, Парламенті Сенатының депутаты:
Конституция дегеніміз біздің Ата заңымыз. Біздің мемлекетіміздің темір қазығы. Бірінші қазықты түзеп алуымыз керек. Сондықтан қазіргі өзгерістер соған байланысты. Негізін дұрыстағасын қоғамда да, экономикада өзгеріс болады. Жаңа Қазақстанды жаңалап саламыз. Бірақ Жаңа Қазақстанды құру үшін осындай негізгі фундаменттің мәселелерін біз шешуіміз керек.
