Жаңалықтарды Telegram арнамыздан оқыңыз!Бүгін жеңілдетілген автонесие бағдарламасы арқылы алғашқы көлік берілді. Елордалық Бекзат Тілеген 6,5 млн теңгеге 4 пайызбен көлік алды.
Ақерке Бектас, тілші:
Жеңілдетілген автонесие бағдарламасына 16 наурыздан бері бір ғана банкке 6 мыңнан аса өтініш түскен. Центр Кредит банкінің өкілдері бүгін 10-ға жуық азаматқа осы бағдарлама арқылы несие берілетінін жеткізді. Бүгін ел бойынша алғашқы көлікті алған азамат инженер, елордалық тұрғын Бекзат Тілеген. Ол су жаңа көлікті бірінші рет мініп тұрғанын айтады.
Қазір автосалондарда жеңілдетілген несие беру қарқынды жүріп жатқаны байқалады. Тұрғындардың өтінішін 3 екінші деңгейлі банк қабылдап жатыр. Бүгін бұл қатарға тағы бір банк қосылуға тиіс. Еске салайық, жеңілдетілген автонесие бастапқы жарнасыз беріледі. Бұған дейін азаматтар нарықта көлік тапшы екенін айтқан. Автокәсіп қауымдастығы елде биыл үш айда 213 млрд теңгеге 22 мыңнан аса техника шығарылғанын айтты. Олар көлік құрастыру алдағы уақытта артатынын мәлімдеді.
