Атырау облысында бір тонна балық тәркіленді

Атырау облысында «Бекіре-2022» іс-шарасы аясында тәртіп сақшылары бір тонна балық тәркіледі. Оның ішінде 500 келісі бекіре тұқымдас. Ішкі істер министрлігінің хабарлауынша 1 сәуір мен 31 мамыр аралығында барлығы 210-нан аса құқық бұзушылық анықталған. Балық ресурстарын заңсыз өндіру және өсімдіктер мен жануарлардың сирек кездесетін түріне қатысты заң бойынша 18 қылмыстық іс қозғалды. Іс-шара барысында 39 мобильді топ республикалық және облыстық маңызы бар жолдарда, Каспий теңізінің Жайық және Қиғаш өзендерінің жағалауында жұмыс істейді. Заңсыз балық аулаудың алдын алу мақсатында, Жайық өзенінің жағасына 19 бейнебақылау камерасы орнатылған.