Екі бала пеш ішінде тұншығып қалған - «Qazaqstan» Ұлттық телеарнасы

Екі бала пеш ішінде тұншығып қалған

16.05.2022

Қосшы қаласында екі бала наубайхана пешінде қамалып қалып, біреуі көз жұмды. Ескі қондырығының ішіне кіріп ойнаған кішкентай қыз ауа жетіспей, тұншыққан. Ал екінші бала ессіз күйде Елордадағы № 2-ші балалар ауруханасына жеткізіледі. Дәрігерлер оны реанимация бөлімшесіне жатқызып, дереу медициналық көмек көрсеткен. Қазір 7 жастағы ұлдың өміріне ешқандай қауіп төніп тұрған жоқ дейді, дәрігерлер.

Феруза Қалмұрзаева, педиатр:

Бала пеште ұзақ уақыт болуына байланысты тұншығып қалған. Соның салдарынан есінен танған. Ағзасында гипоксия болды. Түскен кездегі жағдайы ауыр болды. Реанимация бөлімшесіне 1 тәулік тиісті емін алып, кеше бөлімшеге ауыстырылды. Қазіргі таңда жағдайы орташа, жақсарып келеді.

Берік Көшербай

Хабарламаларға жазылу