Қырғызстанға өтеусіз әскери-техникалық көмек көрсетіледі

Қырғызстанға өтеусіз әскери-техникалық көмек көрсетіледі. Бүгін Мәжіліс осыған қатысты заң жобасын мақұлдады. Әскери мүлік кеңес заманынан қалған. Оқ-дәрі күйінде беріледі. Бұл тарту еліміздің қарулы күштеріндегі қамтылу нормативінен артық болғандықтан жасалып отыр.

Айта кету керек, бұған дейін Тәжікстанға 2 млрд 600 млн теңгеден аса көмек көрсетілген. Жалпы, әскери-техникалар бір ғана талаппен беріледі. Үшінші тарапқа өткізуге болмайды. Ол ұжымдық қауіпсіздік ұйымымен бақыланады. Егер келісім бұзылса, тиісті шара қабылданады. Осылай Орталық Азия аймағының қауіпсіздігін нығайтуды көздеп отыр.  

Нысаналы Ығыл