Әлихан Смайылов: Қазақстан мен Қырғызстан арасындағы тауар айналымын екі есе арттыру қажет - «Qazaqstan» Ұлттық телеарнасы

Әлихан Смайылов: Қазақстан мен Қырғызстан арасындағы тауар айналымын екі есе арттыру қажет

29.04.2022

Қазақстан мен Қырғызстан арасындағы тауар айналымын екі есе арттыру қажет. Бішкекте өткен екі елдің үкімет аралық кеңесінің отырысында Әлихан Смайылов осылай деді. Премьер-министрдің сөзінше өзара сауда деңгейін 2 млрд долларға жеткізу үшін тауар номенклатурасын кеңейтіп, көлеңкелі тауар айналымына қарсы күрес шараларын күшейту қажет. Сондай-ақ, ол Қырғызстан Қазақстанның сауда-экономикалық серіктесі ғана емес, достық қарым-қатынастар байланыстыратын бауырлас мемлекет екенін атап өтті. Ал Қырғыз елінің Министрлер кабинетінің басшысы Ақылбек Жапаров екі халық арасындағы достық – қос мемлекеттің гүлденуі мен әл-ауқатын арттыруға көмектесетініне сенім білдірді. Қос тарап Астана халықаралық қаржы орталығын Қырғызстанда және Орталық Азия өңірінде дамытуға бағытталған бірлескен компанияны құруға келісті. 

Саламат Омаш

Хабарламаларға жазылу