Жаңалықтарды Telegram арнамыздан оқыңыз!
Израиль полициясы Иерусалимнің Ежелгі бөлігіндегі әйгілі әл-Ақса мешітінің жанында палестиналықтармен қақтығысты. Соңғы мәліметке қарағанда, 59 палестиналық жараланған. Жанжал намаз аяқталғаннан кейін басталды. Оған Израильдің мешіт жанына қауіпсіздік күштерін көптеп шоғырландыруы себеп болса керек.
Айта кетсек, соңғы екі аптада Израильде палестиналықтардың шабуылынан 14 адам қаза тапты. Осыған байланысты еврей мемлекеті Иордан өзенінің батыс жағалауындағы елдімекендерде әскери операциялар жүргізіп, талай адамды тұтқындап, палестиналықтардың наразылығын күшейтіп отыр. «Рейтердің» хабарлауынша, бұл тайталас кең ауқымды жанжалға ұласып кетуі мүмкін деген қауіп бар.
Арыстан Рысбек
