Украинада Ресейдің зымырандық шабуылынан 14 адам қаза тапты - «Qazaqstan» Ұлттық телеарнасы

Украинада Ресейдің зымырандық шабуылынан 14 адам қаза тапты

10.10.2022

Украинаның Запорожье қаласында Ресейдің зымырандық шабуылынан қайтыс болғандар саны 14-ке жетті. Тағы 87 адам жараланған. Ауруханаға түскендердің ішінде 11 бала бар.

Жексенбіге қараған түні Ресей армиясы мұнда 12 зымыран жібергенде 9-қабатты үй жартылай қирап, өзге бесеуі жермен-жексен болған.

Осыған қарамастан өткен түні ресейлік күштер Запорожьеде тағы бір ғимаратты атқылап, бірнеше адам зардап шекті.

Ракеталық шабуылдардан кейін президент Владимир Зеленский мәлімдеме жасап, болған оқиғаны «барып тұрған зұлымдық» деп атады.

Ресей әскери қолбасшылығы болса, өзіне тағылған кінәні жоққа шығарып, аймақта орналасқан шетелдік сордырлар пункті мен Украинаның «Барс» арнайы бригадасына ғана соққы бергенін мәлімдеп отыр.

Арыстан Рысбек

Хабарламаларға жазылу