Мемлекет басшысы Сенат төрағасы Мәулен Әшімбаевты қабылдады - «Qazaqstan» Ұлттық телеарнасы

Мемлекет басшысы Сенат төрағасы Мәулен Әшімбаевты қабылдады

31.03.2022

Мемлекет басшысы Сенат төрағасы Мәулен Әшімбаевты қабылдады. Қасым-Жомарт Тоқаевқа ТМД-ға мүше мемлекеттердің Парламентаралық Ассамблеясы Кеңесінің құрылғанына 30 жыл толуына орай Алматыда өткен мерейтойлық жиынның қорытындылары туралы баяндалды. Сенат төрағасы Мемлекет басшысына биыл қыркүйек айында Нұр-Сұлтан қаласында өтетін Әлемдік және дәстүрлі діндер көшбасшыларының VII съезіне дайындық жұмыстары жайлы мәлімет берді. Мәулен Әшімбаев палатаның Қазақстан халқына Жолдаудағы негізгі бағыттарды жүзеге асыру жөніндегі заң шығару жұмыстарына да ерекше тоқталды.

Хабарламаларға жазылу