Жезқазған кен байыту фабрикасынан өрт шықты

Сол өңірдегі тілшіміз Руслан Нұрланұлы байланысқа шығады. 

Руслан Нұрланұлы, тілші:
Фабрикадағы өрт кезінде ешкім зардап шеккен жоқ. Бүгін таңертеңгілік кәсіпорынның №1 цехында шарлы диірмендердің тоқ жүйесі жалынға оранып, электр қозғалтқышы түтіндеген. «Қазақмыс» компаниясы баспасөз қызметінің мәлімдеуінше фабрикада тоқ кернеуінің төмендеуі болып, салдарынан осындай өрт шыққан. Жұмысшылар өрт сөндіргіштердің көмегімен жалынды дер кезінде өшіріп үлгерген. Өндірістік апаттың мән-жайы, себептері анықталуда. Жезқазған кен байыту фабрикасы, соның ішінде өрт болған цех жұмысы қазір штаттық режимде жалғасуда. 

Руслан Нұрланұлы