Жаңалықтарды Telegram арнамыздан оқыңыз!Мереке күндері елімізде жүзден аса адам қар құрсауынан құтқарылды. Оның 16-сы бала. Құтқарушылар елордадағы айналма жолда қалған 7 адам мен екі 2 баланы қалаға жеткізді. Қарқаралы ауданында 4 адам құтқарылса, Ақтоғай ауданында қардан 16 жеңіл автокөлік шығарылды.
Ал Амангелді ауданында 4 жеңіл көлік сүйреп шығарылды. Автокөліктерде 19 адам, оның ішінде 2 бала болған.
Боранға байланысты ел аумағында автожолдардың 46 учаскесінде, оның ішінде 26 автожол жабылған. Тек бүгін ғана ауа райының жақсаруына байланысты Нұр-Сұлтаннан шығатын бірнеше жол қайта ашылды. Облыстық жедел штабтардың ақпараты бойынша блокбекеттерде 915 бірлік техника тұр. Төтенше жағдайлар министрлігі азаматтарға елдімекеннен шыққан кезде қауіпсіздік ережелерін сақтауға кеңес береді.
Саламат Омаш
